عاطف نصحى حارس المنصورة "للحريف " طموحى لن يتوقف والممتاز بات قريباً

تشرين1/أكتوير 10, 2018
عاطف نصحى حارس المنصورة "للحريف " طموحى لن يتوقف والممتاز بات قريباً


 

حوار - اميره فتحي

كيف بدأ مسيرك الكروية ؟
كنت ضمن ناشئين اسمنت أسيوط ثم انتقلت  الى الوليديه بأسيوط ثم  سكر ابو قرقاص ثم المنيا ولعبت معاهم دوري ممتاز 

ما رأيك في مباراة فريقك  ضد  الداخلية ؟

الحمد لله كانت مبارة صعبه لكن كنا عاملين حسابنا وكنت بصفة خاصة مركز جدا في المباراه

ما هي تعليمات المدرب للفريق  قبل بداية المباراة؟

اننا جايين نلعب علي المكسب

هل كنت متوقع انك تتألق بهذا الشكل ؟

الحمد لله كان عندي يقين في الله اننا هنكسب وربنا هيوفقني انا وفرقتى  الحمد لله.

هل جاءك بعد العروض بعد  التألق أمس من اندية  الدوري المصري؟

اه فيه بس كه كلام لاكن  لحد دلوقتى  مفيش حاجه رسمي

رساله تحب  توجهها  لجمهور المنصوره؟
اقولهم ادعمو وشجعو ناديكو لاخر لحظه في الدوري وان شاء الله الصعودمن نصيبنا

ما هي استعدادات الفريق  لمباراة سيدى سالم فى الجولة السابعة من بطولة القسم الثانى؟
مركزين فيها زيها زي مباراة الداخليه 
وربنا يكرمنا ان شاء الله

أصعب 5 فرق منافسة للمنصورة الموسم ده فى الدورى من وجة نظرك ؟
المنصورة طنطا الرجاء فاركو بلديه المحله غزل المحله

ما رأيك في منتخب مصر حاليا؟
مش هنقدر نحكم عليه الفترة دي عشان دي فترة إحلال وتجديد والحكم  حاليا  هيبقي ظالم

طموحك اى فى المستقبل او بعد الاعتزال
التدريب او الإدارة؟
العب دوري ممتاز واكمل ان شاء الله فترة كبيرة الاعتزال ليس بدري اوي  عليه احنا بنتكلم في ٣٠ سنه

طب وحضرتك شايف ان النادي يستاهل يصعد ممتاز ولا المستوى مش مناسب؟
عايز اقول لحضرتك مستوي الكأس غير الدوري خالص دي بطوله من مبارة واحدة اما الدوري محتاج النفس الطويل 

رايك ف تجربة بيراميدز؟
تجربه ناجحه بس اوفر شويه 

مين هياخد الدورى من وجهة نظرك ؟
الأهلي أن شاء الله

كلمة اخيرة تختم بيها للجمهور الداعم والمساند ليك؟

أوعد  جمهور المنصورة انى هبذل   قصاري جهدى عشان  نسعدكم ونحتفل بالصعود في آخر الموسم أن شاء الله